’’روس کو آج پیسے دیں، ورنہ کل خون بہے گا‘‘ یورپی یونین کے اجلاس میں تجویز

برسلز: یورپی یونین کے رہنماؤں نے روس‑یوکرین جنگ کے دوران روس کے منجمد اثاثے یوکرین کی مدد کے لیے استعمال کرنے پر اجلاس میں بحث کی۔

اس موقع پر پولش وزیر اعظم ڈونلڈ ٹسک نے کہا: "ہمارے پاس ایک سیدھا انتخاب ہے کہ یا تو آج پیسے دیں، ورنہ کل خون بہے گا۔"

یورپی رہنماؤں نے تقریبا €210 ارب منجمد روسی اثاثوں کو یوکرین کی مالی اور فوجی مدد کے لیے استعمال کرنے کا معاملہ زیرِ غور لایا۔

 جرمن چانسلر فریڈرک میرز اور دیگر رہنماؤں نے کہا کہ یہ قدم یوکرین کی فوری مدد اور روس پر دباؤ بڑھانے کے لیے ضروری ہے۔

ہنگری کے وزیراعظم وکٹر اوربان نے کہا کہ یورپی یونین کو براہِ راست جنگ میں شامل نہیں ہونا چاہیے، بیلجیم نے بھی قانونی اور مالی تحفظات کے بغیر اثاثوں کے استعمال کی مخالفت کی۔

یورپی کمیشن کی صدر اُرزولا وون ڈیر لائن نے رہنماؤں سے اتحاد اور حل تلاش کرنے کی اپیل کی۔ یوکرین کے صدر وولودومیر زیلنسکی نے کہا کہ فوری مالی مدد یوکرین کی بقا کے لیے ضروری ہے۔