بنگلادیش میں بھارتی اسسٹنٹ ہائی کمشنر کے گھر پر حملے کی کوشش، انڈیا نے ویزا سینٹر بند کر دیا

بنگلادیش میں بھارتی اسسٹنٹ ہائی کمشنر کے گھر پر حملے کی کوشش کے بعد انڈیا نے ویزا سینٹر بند کر دیا

سرکاری اعلامیے کے مطابق چٹاگانگ میں انڈین ویزا سے متعلق تمام سرگرمیاں 21 دسمبر سے اگلے نوٹس تک معطل رہیں گی، ویزا سینٹر دوبارہ کھولنے کے بارے میں اعلان صورتحال کا جائزہ لینے کے بعد کیا جائے گا۔

بتایا جارہا ہے کہ یہ اقدام اس وقت سامنے آیا جب بنگلہ دیش میں طلبہ کی تنظیم انقلاب مانچا کے ترجمان عثمان ہادی کی ہلاکت کے بعد مشتعل افراد نے جمعرات کی شب چٹاگانگ میں انڈین ہائی کمیشن کے سامنے دھرنا دیا۔

 سوشل میڈیا پر وڈیوز میں دیکھا گیا کہ افراد نے اسسٹنٹ ہائی کمشنر کی رہائش گاہ پر پتھراؤ کیا، جس کے بعد پولیس نے لاٹھی چارج کر کے مظاہرین کو منتشر کیا اور 12 افراد کو حراست میں لیا۔

یاد رہے کہ اس سے قبل 17 دسمبر کو بھی ایک طلبہ تنظیم نے ڈھاکہ میں انڈین ہائی کمیشن کے محاصرے کا اعلان کیا تھا، جس کے بعد سکیورٹی وجوہات کی بنا پر ڈھاکہ میں ویزا سیکشن بند کر دیا گیا تھا، تاہم 18 دسمبر کو اسے دوبارہ کھول دیا گیا۔