کراچی: سگی بیٹی کا ریپ، باپ کو 10 سال قید کی سزا

کراچی: ایڈیشنل ڈسٹرکٹ اینڈ سیشن جج شرقی کی عدالت میں سگی بیٹی کو زیادتی کا نشانہ بنانے سے متعلق مقدمے کی سماعت ہوئی۔ استغاثہ نے عدالت کو بتایا کہ واقعہ ستمبر 2023 میں کورنگی کے علاقے میں پیش آیا، متاثرہ لڑکی کے مطابق والد نے رات کے وقت کمرے میں لے جا کر زیادتی کی۔

بعد ازاں عدالت نے بیٹی سے زیادتی کے جرم میں باپ کو 10 سال قید کی سزا سنا دی، جبکہ ملزم عرفان پر ایک لاکھ روپے جرمانہ بھی عائد کردیا۔

عدالت نے جرمانے کی رقم متاثرہ لڑکی کو بطور معاوضہ دینے کا حکم دیتے ہوئے کہا کہ ملزم کا کوئی سابقہ کرمنل ریکارڈ نہ ہونا اور تفتیش میں اہم شواہد جمع نہ کرنے پر سزا میں نرمی کی گئی۔

علاوہ ازیں عدالت نے دفاع کی طرف سے جائیداد ہتھیانے کے لیے جھوٹا مقدمہ درج کرانے کی دلیل مسترد کردی۔ عدالت کا کہنا تھا کہ ماں اپنی بیٹی کو جھوٹے الزام میں کبھی نہیں الجھائے گی۔