پاکستان میں مہنگائی کی شرح 8عشاریہ9 فیصد تک بڑھنے کا خدشہ۔آئی ایم ایف کی وارننگ

اسلام آباد: عالمی مالیاتی ادارے (آئی ایم ایف) نے پاکستان کی حکومت کو خبردار کیا ہے کہ ملک میں مہنگائی کی شرح آئندہ مالی سال میں بڑھ سکتی ہے،یہ بات ادارے نے 15اکتوبر کو ورلڈ اکنامک آؤٹ لک میں شائع ہونے والی اقتصادی رپورٹ میں کی ہے۔

آئی ایم نے رپورٹ میں کہا گیا ہے کہ مہنگائی کی شرح مالی سال 2024‑25 میں تقریباً 4.5 فیصد رہی، لیکن مالی سال 2025‑26 میں یہ شرح تقریباً 6 فیصد تک پہنچ سکتی ہے۔
اگر موجودہ معاشی اور موسمی حالات برقرار رہیں، تو جون 2026 تک مہنگائی 8.9 فیصد تک جا سکتی ہے۔

رپورٹ میں آئی ایم ایف نے معیشت کی نمو کے لیے 3.6 فیصد کا تخمینہ لگایا ہے، مگر رپورٹ میں واضح کیا گیا ہے کہ توانائی اور خوراک کی قیمتوں میں اضافہ اور سپلائی چین پر سیلاب کے اثرات مہنگائی کو بڑھانے کا سبب بن سکتے ہیں۔

آئی ایم ایف نے کہا ہے کہ حکومت کو فوری اقدامات کی ضرورت ہے تاکہ عوام کو قیمتوں میں اضافے کے اثرات سے محفوظ رکھا جا سکے۔