بلوچستان میں سردی کے ڈیرے، پارہ منفی4 ڈگری تک پہنچ گیا

کوئٹہ سمیت بلوچستان کے مختلف علاقوں میں آج صبح موسم سرد اور خشک رہا۔ محکمہ موسمیات کے مطابق صوبے کے بیشتر اضلاع میں سردی کی شدت بدستور برقرار ہے، جبکہ شمالی علاقوں میں شدید سرد موسم کا سلسلہ جاری رہنے کا امکان ہے۔

محکمہ موسمیات کا کہنا ہے کہ شمال مغربی اضلاع میں مطلع جزوی طور پر ابر آلود رہ سکتا ہے۔

آج صبح ریکارڈ کیے گئے کم سے کم درجہ حرارت کے مطابق کوئٹہ میں پارہ منفی 4 ڈگری سینٹی گریڈ تک گر گیا، جبکہ قلات میں درجہ حرارت 6 ڈگری سینٹی گریڈ ریکارڈ ہوا۔

زیارت میں درجہ حرارت منفی 5 ڈگری، ژوب میں 3 ڈگری سینٹی گریڈ رہا۔ سبی میں کم سے کم درجہ حرارت 7 ڈگری جبکہ تربت میں 11 ڈگری سینٹی گریڈ ریکارڈ کیا گیا۔ اسی طرح نوکنڈی میں درجہ حرارت 1 ڈگری اور چمن میں 2 ڈگری سینٹی گریڈ رہا۔

 محکمہ موسمیات کے مطابق ساحلی علاقوں گوادر اور جیوانی میں کم سے کم درجہ حرارت 9 ڈگری سینٹی گریڈ ریکارڈ کیا گیا۔