ہانگ کانگ میں آگ، 128 ملزم گرفتار

– ہانگ کانگ کی انسداد بدعنوانی کمیشن (ICAC) نے جمعہ کے روز اعلان کیا کہ اس نے وانگ فک کورٹ میں لگنے والی خوفناک آگ کے سلسلے میں آٹھ افراد کو گرفتار کر لیا ہے۔ یہ آگ، جو اس ہفتے تائی پو کے بلند و بالا رہائشی بلاکس میں بھڑک اٹھی، کم از کم 128 افراد کی جان لے گئی جبکہ تقریباً 200 افراد لاپتہ ہیں۔ یہ واقعہ گزشتہ 80 برسوں میں ہانگ کانگ کی سب سے ہولناک آگ قرار دیا جا رہا ہے۔ حکام نے تصدیق کی ہے کہ ریسکیو آپریشن مکمل کر لیا گیا ہے، فائر فائٹرز نے جلے ہوئے بلاکس کو کمرہ بہ کمرہ چھان مارا۔ ابتدائی تحقیقات کے مطابق آگ تیزی سے پھیلنے کی بڑی وجہ حالیہ تزئین و آرائش میں استعمال ہونے والا آتش گیر مواد تھا، جس میں اسٹائروفوم پینلز اور غیر محفوظ جالی دار شیٹس شامل تھیں۔ گرفتار افراد میں سب کنٹریکٹرز، انجینئرنگ کنسلٹنٹس اور پروجیکٹ مینیجرز شامل ہیں۔ ICAC کا کہنا ہے کہ بدعنوانی اور غفلت کے باعث غیر محفوظ مواد استعمال کیا گیا جس نے سانحے کو مزید سنگین بنا دیا۔ ہانگ کانگ کے چیف ایگزیکٹو جان لی نے حکم دیا ہے کہ شہر بھر میں عوامی رہائشی منصوبوں کی جانچ پڑتال کی جائے، جبکہ عوامی غصہ بڑھ رہا ہے اور متاثرین کے اہل خانہ جواب دہی اور معاوضے کا مطالبہ کر رہے ہیں۔