پاکستان نے بھارت کیلئے فضائی حدود کی بندش میں مزید ایک ماہ کی توسیع کردی

کراچی: پاکستان نے بھارت کے لیے فضائی حدود بندش میں مزید ایک ماہ توسیع کردی۔ بھارتی رجسٹرڈ طیاروں کے لیے پاکستان نے اپنی فضائی حدود 27 جنوری 2026 تک بند کرنے کا فیصلہ کیا ہے۔

پاکستان ایئرپورٹ اتھارٹی نے حکومت کی منظوری سے نیا نوٹم جاری کردیا، جس کے تحت بھارت کے تمام رجسٹر پیسنجر، ملٹری اور پرائیوٹ جیٹس کو پاکستان کی فضائی حدود سے گزرنے کی اجازت نہیں ہوگی۔

خیال رہے پاکستان نے 23 اپریل 2025 سے بھارتی طیاروں کے لیے اپنی فضائی حدود بند کر رکھی ہے۔