رحیم یار خان پولیس کا شہری سے لاکھوں روپے لوٹنے والے 5 ڈاکو ہلاک کرنے کا دعویٰ

رحیم یار خان:پنجاب کے ضلع رحیم یار خان کے علاقے کوٹ سمابہ میں پولیس کے مطابق ڈاکوؤں کے ساتھ مقابلہ ہوا،اس دوران پانچ ڈاکو ہلاک ہو گئے۔

ڈسٹرکٹ پولیس آفیسر عرفان علی سموں نے میڈیا کو بتایا ہے کہ ہلاک ہونے والے ڈاکوؤں نے ایک شہری سے 6 لاکھ روپے لوٹنے کے بعد کوٹ سمابہ کی جانب فرار ہونے کی کوشش کی۔

پولیس کے مطابق ڈاکوؤں کا پولیس پیچھا کیا،اس دوران فائرنگ کا تبادلہ ہوا اور پانچوں ڈاکو موقع پر ہلاک ہو گئے۔

عرفان علی سموں نے بتایا ہے کہ مقابلے میں ہلاک ڈاکوؤں کی شناخت ابھی تک نہیں ہو سکی، کچے کے علاقوں میں ڈاکوؤں کے خلاف آپریشن جاری ہے اور مزید گرفتاریوں کے لیے چھاپے مارے جا رہے ہیں۔