امریکا نے 19 ممالک کے تارکین وطن کی امیگریشن درخواستیں روک دیں

امریکی میڈیا کے مطابق ٹرمپ انتظامیہ نے 19 ممالک کے تارکین وطن کیجانب سے دائرکردہ امیگریشن درخواستوں کو روک دیا ہے۔ آمریکی صدر نے یہ فیصلہ واشنگٹن ڈی سی میں نیشنل گارڈ کے اہلکاروں پر حملے کے بعد کیا ہے، جس میں مبینا طور پر افغان شہری ملوث ہے۔

انٹرنیشنل میڈیا کے مطابق امیگریشن درخواستیں روکنے والے ممالک میں افغانستان، صومالیہ، ایران، لیبیا، میانمار، سوڈان، تر کمانستان، یمن اور دیگر شامل ہیں۔ ان ممالک کے شہریوں کے تمام کیسز کی حتمی منظوری یا مسترد کرنے کے فیصلے روک دیےگئے ہیں۔

پابندی کا اطلاق ان ممالک کے شہریوں پر ہوتا ہے جن پر ٹرمپ انتظامیہ نے جون میں یو ایس سٹیزن شپ اینڈ امیگریشن سروسز سے اسٹیٹس حاصل کرنے پر روکا تھا۔

واضح رہے کہ یہ اقدام گزشتہ ہفتے مبینا طور پر ایک افغان شہری کی جانب سے نیشنل گارڈز پر فائرنگ کے واقعے کے بعد اٹھایا گیا۔ جس میں ایک خاتون اہلکار جاں بحق ہوگئی، ایک گارڈ شدید زخمی ہوا۔

حکام کا کہنا ہے کہ سیکیورٹی ادارے مہاجرین خاص طور پر افغانستان سے تعلق رکھنے والے شہریوں کی اسکریننگ اور آن لائن سرگرمیوں کی نگرانی مزید سخت کر رہے ہیں۔