نئی ویزہ فیس کے اطلاق پر 20ریاستوں نے ٹرمپ انتظامیہ کے خلاف مقدمہ درج کردیا

امریکا کی 20 ریاستوں نے صدر ڈونلڈ ٹرمپ کی انتظامیہ کی جانب سے ویزہ پرواگرام میں 1لاکھ ڈالر فیس پر شدید تنقید کرتے ہوئے امریکی صدر کے خلاف کے خلاف مقدمہ دائر کیا ہے۔

بتایا جارہا ہے کہ مقدمہ اس لیے درج کیا گیا ہے تاکہ H-1B ویزا پروگرام پر عائد کی گئی نئی $100,000 فیس کو روکا جا سکے،فیس کا اطلاق نئے درخواست دہندگان پر ہوگا،جس کے بارے میں ریاستوں کا کہنا ہے کہ یہ وفاقی قانون، Administrative Procedure Act، اور کانگریس کی منظوری کے بغیر نافذ کی گئی ہے، اس لیے یہ غیر قانونی اور نقصان دہ ہے۔

امریکی ریاستوں کا موقف ہے کہ یہ فیس یونیورسٹیاں، اسپتال، اور دیگر عوامی ادارے جو H-1B کارکنوں پر انحصار کرتے ہیں، کے لیے مشکل پیدا کرے گی۔ ان کے وکلاء نے دلیل دی ہے کہ فیس امریکی عوام یا مخصوص شعبوں پر غیر منصفانہ بوجھ ڈالتی ہے اور وفاقی ضوابط سے تجاوز کرتی ہے۔

مقدمہ وفاقی عدالت میں دائر کیا گیا ہے اور ریاستی اٹارنی جنرل نے عدالتی حکم کی درخواست بھی دی ہے تاکہ نئی پالیسی کے نفاذ کو روکا جا سکے۔