امن مذاکرات کی اہمیت پر زور
ماسکو:روسی صدر ولادیمیر پوتن نے مغربی ممالک کی جانب سے روس کے خلاف ممکنہ جنگ کی تیاریوں کو “جذباتی” اور جھوٹ” قرار دیتے ہوئے کہا کہ مغرب اس حوالے سے خطرے کو بڑھا چڑھا کر پیش کر رہا ہے۔
روسی صدر پوتن نے یہ بیان روسی دفاعی حکام کے ساتھ میٹنگ میں دیا اور امن مذاکرات کی اہمیت پر زور دیا۔
پوتن کے مطابق حقیقت میں روس کی جانب سے کوئی جارحانہ منصوبہ بندی یا جنگی ہنگامی تیاری نہیں کی گئی ہے، اور مغرب کے دعوے محض سیاسی ہلچل پیدا کرنے کے لیے ہیں۔
حالیہ ایک تازہ رپورٹ کے مطابق امریکی انتظامیہ روس کی توانائی صنعت پر نئی پابندیوں پر غور کر رہی ہے، یہ پابندیاں روس پر اقتصادی دباؤ بڑھانے کے لیے ہیں اور اگر ماسکو امن معاہدے کو مسترد کرتا ہے تو ان پر عمل درآمد جلد ہو سکتا ہے۔
رپورٹس میں کہا گیا ہے کہ پابندیوں کا دائرہ کار روس کی توانائی کی برآمدات، آئل ٹینکرز اور بین الاقوامی توانائی لین دین تک پھیل سکتا ہے۔