بونڈی حملے کے دوران سابق انگلش کرکٹ ٹیم کے کپتان ریسٹورنٹ میں محصور ہوگئے

سڈنی: انگلینڈ کرکٹ ٹیم کے سابق کپتان مائیکل وان مائیکل وان نے اپنے ایکس اکائونٹ پر پوسٹ کرتے ہوئے انکشاف کیا ہے کہ حملے کے وقت وہ بونڈی کے ایک ریسٹورنٹ میں موجود تھے۔

انہوں نے لکھا ہے کہ حملے کے بعد سکیورٹی خدشات کے باعث دروازے بند کر دیے گئے اور اندر موجود افراد خوف و ہراس کے عالم میں محصور ہو کر رہ گئے۔

سابق کپتان کے مطابق یہ لمحات نہایت خوفناک تھے، تاہم بعد ازاں وہ بحفاظت اپنے گھر پہنچنے میں کامیاب ہو گئے۔

سوشل میڈیا پر پیغام میں انہوں نے مزید کہا کہ ریسٹورنٹ میں بند رہنا زندگی کے مشکل ترین لمحات میں سے ایک تھا، فوری کارروائی کرنے والے ہنگامی اداروں اور حملہ آور کا سامنا کرنے والے شخص کی بہادری کو قابل تحسین ہے۔

واضح رہے کہ مائیکل واں آسٹریلیا میں چل رہی ایشز سیریز کے لیے بطور کرکٹ مبصر آسٹریلیا میں موجود ہیں۔ ان کا کہنا تھا کہ ان کی دعائیں اور ہمدردیاں اس واقعے سے متاثر ہونے والے تمام افراد کے ساتھ ہیں۔