روزانہ کافی پینے سے بڑھاپے کی رفتار کم ہوسکتی ہے: نئی تحقیق

لندن: کنگز کالج لندن کے ماہرین نے ایک نئی تحقیق میں انکشاف کیا ہے کہ روزانہ کافی پینے سے حیاتیاتی بڑھاپے کی رفتار سست پڑ سکتی ہے۔۔۔

تحقیق بی ایم جے مینٹل ہیلتھ میں شائع ہوئی ہے،بتایا گیا ہے کہ کافی کے باقاعدہ استعمال سے جسم کے کروموزومزکے سروں پرموجود "ٹیلو میرس" (Telomeres) زیادہ لمبے رہتے ہیں۔ ٹیلو میر س عمر بڑھنے کے ساتھ چھوٹے ہوتے جاتے ہیں اور ان کی لمبائی کو بڑھاپے کی رفتار کا اہم اشاریہ سمجھا جاتا ہے۔۔۔۔

تحقیق کے نتائج

تحقیقی کے مطابق روزانہ 3 سے 4 کپ کافی پینے والے افراد میں ٹیلو میر کی لمبائی زیادہ پائی گئی، جو کہ حیاتیاتی عمر کو تقریباً پانچ سال کم ظاہر کرتی ہے۔۔۔۔

زیادہ مقدار (5 یا اس سے زائد کپ) پینے سے یہ فائدہ ختم ہوسکتا ہے اور خلیوں پر دباؤ بڑھ سکتا ہے۔۔۔۔

کافی میں موجود اینٹی آکسیڈنٹس اور اینٹی انفلامیٹری خصوصیات خلیوں کو نقصان سے بچاتی ہیں اور بڑھاپے کی رفتار کو سست کرتی ہیں۔۔۔۔۔