پی ٹی آئی کو مائنس کیا گیا تو یہ بھی نہیں رہیں گے۔بیریسٹر گوہر

اسلام آباد: پاکستان تحریکِ انصاف (پی ٹی آئی) کے چیئرمین بیرسٹر گوہر نے کہا ہے کہ اگر ہمیں مائنس کرنے کی کوشش کی گئی تو وہ بھی نہیں رہیں گے۔

ا ان کا کہنا تھا کہ یہ کوئی عام کاروباری معاملہ نہیں کہ دو میں سے ایک کو مائنس کرو تو دوسرا رہ جائے

بیرسٹر گوہر نے پارلیمنٹ کے باہر میڈیا سے بات کرتے ہوئے کہا کہ ہم ملک اور جمہوریت کو مضبوط کرنے کے لیے پارلیمنٹ میں جا رہے ہیں، لیکن کچھ لوگ حالات بہتر ہوتے ہوئے دیکھنا نہیں چاہتے۔

انہوں نے کہا کہ رات کو اڈیالہ جیل کے باہر پارٹی کی کارکنوں اور بانی کی بہنوں پر واٹر کینن کیوں استعمال کیا گیا،ہماری جماعت کے تین کروڑ لوگوں کے نمائندے ہیں، اگر اتنی بڑی جماعت کو سسٹم سے باہر نکال دیا جائے تو پیچھے کیا بچے گا۔

چیئرمین پی ٹی آئی نے اسپیکر قومی اسمبلی کے بارے میں کہا کہ مشکل وقت میں انہوں نے اچھی کوششیں کی ہیں۔ البتہ انہوں نے کہا کہ اسپیکر کا کردار قابل تعریف رہا ہے، مگر مزید اچھے اقدامات کی ضرورت ہے اور لوگوں کی عدلیہ سے مایوسی بھی نظر آ رہی ہے۔