الیکشن کمیشن نے پی ٹی آئی پر پابندی کیسے لگائی؟ عمران خان کبھی مائنس نہیں ہو سکتے۔ بیرسٹر گوہر

چیئرمین پاکستان تحریک انصاف بیرسٹر گوہر نے کہا ہے کہ بانی پی ٹی آئی کبھی مائنس نہیں ہو سکتے۔انہوں نے کہا کہ بانی پی ٹی آئی ایک بڑی جماعت کے لیڈر ہیں اور ان کی قیادت کو کسی صورت نظرانداز نہیں کیا جا سکتا۔ یرسٹر گوہر نے مطالبہ کیا کہ بشریٰ بی بی اور بانی پی ٹی آئی کی فیملی کو ملاقات کی اجازت دی جائے۔۔

پارلیمنٹ کے باہر صحافیوں سے گفتگو کرتے ہوئے ان کا کہنا تھا کہ تحریک انصاف پر پابندی کے بارے میں ابھی تک الیکشن کمیشن نے ہمیں کوئی سرٹیفکیٹ نہیں دیا۔

انہوں نے کہا کہ جب کوئی سرٹیفیکٹ جاری نہیں ہوا تو پھر الیکشن کمیشن نے کیسے پی ٹی آئی پر پابندی عائد کردی۔

پی ٹی آئی چیئرمین نے کہا کہ سیاسی پارٹیوں پر پابندی لگانے سے کام نہیں چلے گا، دو سال بعد بھی ہم اگر نو مئی پر کھڑے ہیں تو یہ ملک کے لیے بد قسمتی کی بات ہے۔

بیرسٹر گوہر نے کہا کہ بانی پی ٹی آئی سے بہنوں کی ملاقات پر کوئی بھی سیاست نہیں ہونی چاہیے، اداروں اور سیاسی جماعتوں کے درمیان تناؤ کم کرنے کی کوشش جاری رہنی چاہیے، سیاسی اور جمہوری قوتیں بات چیت کرتی ہیں تو حالات بہتر ہوتے ہیں۔