آج سے ترقی شروع،مائنس ون نہیں تو پوری پوری پی ٹی آئی مائنس، فیصل واوڈا

پاکستان تحریک انصاف کے سابق رہنما و سینیٹر فیصل واوڈا نے کہا ہے کہ اب مزید برداشت نہیں ہوگا، ایک انچ بھی نہیں، رگڑ دیں گے۔نجی ٹی وی چینل کے پروگرام میں گفتگو کرتے ہوئے انہوں نے دعویٰ کیا کہ پی ٹی آئی کی مقبولیت ختم ہوچکی ہے اور یہ صرف اقتدار و دولت کی جنگ لڑ رہے ہیں، ملک سے محبت ان کے ایجنڈے میں شامل نہیں۔

واوڈا کے مطابق ڈی جی آئی ایس پی آر کی حالیہ پریس کانفرنس کے بعد کئی لوگ سرنڈر کرچکے ہیں اور اب ایکشن پر ڈبل ری ایکشن ہوگا۔

انہوں نے مزید کہا کہ بانی پی ٹی آئی کی بہنوں نے ان کی کمزوری ظاہر کردی ہے کہ اگر کوئی ان سے نہ ملے تو وہ فرسٹریشن کا شکار ہوجاتے ہیں۔