چوری کی درخواست دینے پر سرگودھا میں پانچ ملزم گھر کی دیواریں پھلانگ کر بیو ہ کے گھر میں داخل ہو گئے بچوں کے سامنے مرکزی ملزم نے اسلحہ کے زور پرخاتون سے زیادتی کی 11 سالہ بیٹی ماں کو بچانے کے لیے آگے آئی تو دیگر ملزمان نے اسے بھی تشدد کا نشانہ بنایا اور کپڑے پھاڑ دیے۔
پولیس کے مطابق رشید ٹاؤن ڈیرہ جاڑا کی رہائشی بیوہ نازیہ خان نے مقدمہ درج کراتے ہوئے بتایا کہ ملزم ظفر پرویز سمیت پانچ افراد اس کے گھر کی دیواریں پھلانگ کرگھس آئے اور اسلحے کے زور پربچوں کے سامنے زیادتی کرنا شروع کر دی۔ظفر نامی ملزم زیادتی کرتا رہا جب کہ دیگر اسلحہ لے کر کھڑے رہے۔
خاتون نے پولیس کو بتایا کہ بیٹی نے شور مچایا توملزمان نے اسے بھی تشدد کا نشانہ بناتے ہوئے اس کے بھی کپڑے پھاڑ دیے۔
پولیس کے مطابق خاتون نے بتایا کہ مرکزی ملزم نے ان کے بچوں کی موجودگی میں زیادتی کی اور اس دوران موبائل بھی چھین کر چھت پر پھینک دیا۔بچے چیخوں پکار کرتے رہے لیکن ملزمان کو ترس نہ آیا۔
خاتون کا کہنا ہے کہ اس نے ملزمان کے خلاف چوری کی ایک درخواست دے رکھی تھی اس رنجش پر ملزمان نے اسے انتقام کا نشانہ بنایا۔
خاتون کا کہنا ہے کہ ملزم اس دوران اسے قتل کر دینے کی دھمکیاں بھی دیتے رہے پولیس نے مقدمہ درج کر کے تفتیش شروع کر دی۔پولیس کا کہنا ہے کہ ملزمان کو جلد گرفتار کر لیا جائے گا