سندھ پنجاب سرحد پر کچے میں آپریشن، ڈاکو بیمار ماں اور بھیتجی کو چھوڑ کر فرار

کچے کے علاقے سون۔میانی میں پولیس اور رینجرز نے مشترکہ آپریشن کیا۔ کارروائی کے دوران مبینہ طور پر ڈاکو جمیل بکرانی کی والدہ سمیت دو خواتین کو حراست میں لیا گیا۔

پولیس کے مطابق آپریشن کے دوران ڈاکو چِلو اور جمیل بکرانی اپنی بیمار والدہ کو چھوڑ کر فرار ہوگئے۔

دونوں ڈاکو اپنی والدہ کی دیکھ بھال کے لیے بھانجے شینا بکرانی کو چھوڑ گئے تھے۔

آپریشن کے دوران 16 دسمبر کو پنجاب کے ضلع رحیم یار خان سے اغوا کیے گئے تین افراد کو بازیاب کرایا گیا۔

بازیاب ہونے والوں میں عمر، طارق اور شاہد علی شامل ہیں، جنہیں ڈاکوؤں نے کچے کے علاقے میں یرغمال بنایا ہوا تھا۔

پولیس نے دعویٰ کیا ہے کہ کارروائی کے دوران راکٹ لانچرز سمیت دیگر اسلحہ بھی برآمد کیا گیا۔

مشترکہ آپریشن کو پولیس نے کامیاب قرار دیا اور کہا کہ کچے کے علاقے میں جرائم پیشہ عناصر کے خلاف کارروائیاں جاری رہیں گی۔