ساجد اکرم نے 1998 کے بعد چھ مرتبہ بھارت کا دورہ کیا
سڈنی میں شہریوں کو فائرنگ کرکے ہلاک کرنے والا حملہ آور ساجد اکرم بھارتی شہری تھا۔ بھارتی ریاست تلنگانہ پولیس نے واقعے سے متعلق بیان جاری کرتے ہوئے کہا ہے کہ ساجد اکرم کا تعلق بھارتی شہر حیدرآباد سے تھا۔
پولیس کے مطابق ساجد اکرم کا اپنے خاندان سے کم رابطہ تھا اور اہلِ خانہ کو اس کے انتہاپسند خیالات یا شدت پسندی کی طرف رجحان کا کوئی علم نہیں تھا۔ پولیس نے مزید کہا کہ ساجد اکرم کے شدت پسندی کی طرف جانے والے عوامل کا بھارت سے کوئی تعلق نہیں تھا۔
بیان میں بتایا گیا کہ ساجد اکرم نے 1998 کے بعد چھ مرتبہ بھارت کا دورہ کیا، جو صرف خاندانی معاملات کے باعث تھا۔ بھارت چھوڑنے سے قبل اس کے خلاف کوئی منفی ریکارڈ موجود نہیں تھا۔
تفصیلات کے مطابق ساجد اکرم 1998 میں بھارتی شہر حیدرآباد سے آسٹریلیا منتقل ہوا تھا، جبکہ اس کا بیٹا نوید اکرم آسٹریلیا میں پیدا ہوا۔