بھارت آپریشن سندور پہلے دن ہی ہار گیا،سابق وزیراعلیٰ مہاراشٹرا کا اعتراف

بھارتی ریاست مہاراشٹرا کے سابق وزیر اعلیٰ اور کانگریس رہنما پرتھوی راج چوہان نے اعتراف کیا ہے کہ آپریشن سندور کے پہلے دن ہی بھارت نے فضائی جنگ میں مکمل شکست کا سامنا کیا۔

پرتھوی راج چوہان نے پریس کانفرنس میں بتایا کہ 7 مئی کو صرف آدھے گھنٹے کی فضائی لڑائی میں بھارتی جہاز مار گرائے گئے اور بھارتی ائیر فورس کے دیگر طیاروں کو مزید پرواز کرنے سے روک دیا گیا کیونکہ پاکستان ائیر فورس کے حملوں کا خطرہ موجود تھا۔

سابق وزیراعلیٰ نے کہا کہ بھارت نے اس ناکامی کو چھپانے کے لیے ’آپریشن مہادیو‘ کے نام سے جعلی مقابلے شروع کیے تاکہ عوامی نظر میں کامیابی کا تاثر دیا جا سکے۔

چوہان نے واضح کیا کہ وہ اپنے بیان پر قائم ہیں اور معافی مانگنے سے انکار کر دیا ہے۔ ان کے اس اعتراف نے بھارت میں سیاسی حلقوں میں شدید ہنگامہ اور بحث کو جنم دیا، جہاں مختلف سیاسی جماعتیں اور تجزیہ کار فوجی کارروائیوں کے حقیقی نتائج پر سوال اٹھا رہے ہیں۔