سڈنی واقعہ، جان پر کھیل کر حملہ آور کو پکڑنے والا کون؟

سڈنی کے ساحلی علاقے بونڈائی بیچ پر حنوکا کی تقریب کے دوران ہونے والی فائرنگ میں کم از کم 12 افراد جاں بحق اور درجنوں زخمی ہوگئے۔ پولیس کے مطابق یہ حملہ یہودی کمیونٹی کو نشانہ بنانے کے لیے کیا گیا تھا۔

اس دوران ایک عام شہری، 43 سالہ احمد ال احمد، جو مقامی پھلوں کی دکان کے مالک اور دو بچوں کے والد ہیں، نے غیر معمولی بہادری کا مظاہرہ کیا۔ عینی شاہدین اور ویڈیو فوٹیج کے مطابق احمد نے مسلح حملہ آور پر جھپٹ کر اسے ہیڈ لاک میں لیا اور اس کی شاٹ گن چھین لی، جس سے درجنوں خاندانوں کو فرار کا موقع ملا۔

احمد اس دوران دو گولیاں لگنے سے زخمی ہوگئے اور اسپتال میں زیرِ علاج ہیں۔ ان کے اہلِ خانہ کا کہنا ہے کہ وہ سرجری کے منتظر ہیں۔