عمران خان کوقتل کیا گیا تو یہ بھی نہیں بچیں گے،نورین نیازی بہن عمران خان

بانی پی ٹی آئی کہ بہن نورین نیازی نے کہا ہے کہ اگربانی پی ٹی آئی کو قتل کیا تودنیا میں یہ کہیں بھی جائیں ان کو جگہ نہیں ملے گی۔ بھارتی نیوز چینل کو دیے گئے انٹرویو میں نورین نیاز نے کہا ہے کہ بانی کو گرفتاری سے قبل بھی پیشکش کی گئی کہ وہ بیرون ملک چلے جائیں،گرفتار نہیں کیا جائے گا لیکن بانی پی ٹی آئی نے انکار کردیا، اب بھی ایسی آفرز کی جا رہی ہیں۔ موجود حکمران کہہ رہے ہیں کہ وہ مجبور ہیں،یہ سب کچھ وہ کرا رہے ہیں۔ لیکن ہم توسب کو ذمہ دار تصور کرتے ہیں۔ ہمارا ایک ہی مطالبہ ہے کہ بانی پی ٹی آئی کو فوری رہا کیا جائے۔ ایک سوال کے جواب میں انہوں نے کہا کہ حکمران بانی پی ٹی آئی کے قتل کا سوچ بھی نہیں سکتے، انہیں پتہ ہے کہ اگر بانی پی ٹی آئی کو قتل کیا گیا تو نہ صرف پاکستان لیکن دنیا میں ہیں بھی ان کو جگہ نہیں ملے گی۔ بیرون ملک مقیم پاکستانی بھی بانی پی ٹی آئی کے عاشق ہیں، جوکہ مرنے اور مارنے کے لیے تیار ہیں۔