جب بھی عمران خان کے بارے میں کچھ لکھتی ہوں تو رسائی کیوں کم کر دی جاتی ہے؟ جمائمہ کا ایلون مسک سے شکوہ

اہلیہ جمائمہ گولڈسمتھ نے سوشل میڈیا پلیٹ فارم ایکس (سابقہ ٹوئٹر) کے مالک ایلون مسک سے شکوہ کیا ہے۔

جمائمہ نے اپنے اکاؤنٹ پر پوسٹ کرتے ہوئے کہا کہ عمران خان سے متعلق ان کی تحریریں جان بوجھ کر بہت کم لوگوں تک پہنچائی جا رہی ہیں، جسے انہوں نے "سیکرٹ تھروٹلنگ" قرار دیا۔ ان کا کہنا تھا کہ لاکھوں فالوورز ہونے کے باوجود جب وہ عمران خان کی قید، صحت یا اپنے بیٹوں کی والد سے ملاقات نہ ہونے کے بارے میں لکھتی ہیں تو ان کی پوسٹس کی رسائی غیر معمولی طور پر کم ہو جاتی ہے۔

انہوں نے مزید کہا کہ یہ عمل آزادیٔ اظہار کے دعوؤں کے منافی ہے۔ پاکستان میں الیکٹرانک میڈیا پر عمران خان کا ذکر تقریباً ختم ہو چکا ہے، اس لیے عالمی برادری کو آگاہ کرنے کے لیے سوشل میڈیا ہی واحد ذریعہ بچا ہے۔ جمائمہ نے یہ بھی بتایا کہ ان کے بیٹے طویل عرصے سے اپنے والد سے ملاقات نہیں کر سکے۔

جمائمہ گولڈسمتھ نے ایلون مسک سے مطالبہ کیا کہ وہ ایکس پر آزادیٔ اظہار کے وعدے کو پورا کریں اور عمران خان سے متعلق مواد کی خفیہ طور پر محدود کی گئی رسائی بحال کریں۔